La Prova dal Tri

Guardand a caso un gioren in un casett
E gò cate da casi ormai scordedi
In una cherta me go cate scritt
Che al numer tri le lù al numer perfett

E me chiò fat la scola elementaera
A tutt chi ca m’ascolta edmand perdon
Sperand che Gesù Crist  amtegna  
inpera
Se chi me fag un pche ed presunsion

Nison amlà mai spiegheda
Nison am’la mai ditt prima
Slacv pies come son bon e prov a
mettl’in rima

In tri iandeven avanti per la streda
Giuseppe col somer
Maria da poc l’era sposeda

En caten mia d’alogg
Es fermen in t’nà stala
Un esi un bò
Na greppia fina ed paia

Maria clera gravida
La partorisà le
E tutt al mond al dis 
Le nasu al re di re

Con tri came e riven
Profeti da l’orient
Egh porten i so regal
Pastor e tanta gent

Lù lè chersu int’lonor
Amor per la famia
E tant amor prol prossim
Compagn annè ghnè mia

Trentan la lavore 
al se fat un’istrusion
Al perla coi dotor
Paura al gà ed nison
A dir la verite

E con i amig na sira
Na sena improviseda
Con pan e pess e ven
La tevla le parceda

3x10 ien trenta miser dener
al Giuda a là vendu
al vlen dal tradiment
la còpa lu la ebbu

Dop poc al ven areste
 in carcer procesee
con du ladron comun
a morte condane

na crosa in spala gan carghe
dal pes trei volti in tèra le casche
su pral senter ca porta al mont Calvari
e da i sold roman le torturee

tri ciold e gan piante
von per man e von in pee
per riscater nueter le mort in sim la
crosa
le mort pri noster epche

trei ori le dureda l’agonia
li piansa Madalena Veronica e Maria
al don pie li pianse al Crist già sotere
dopa tri gioren le resuscite

scusem se tribule capirem in dialett
me son semper più convint
chè al numer tri
le lù al numer perfett
ma se col che me vò ditt annev covinsa
mia
Peder Fiol e Spirit Sant
Ecosi Sia

Cesare Carlini - Cerezzola, Agosto 1994 -